節目為觀眾介紹時令產品、健康養生、健體運動、護膚化妝、時尚服飾、嬰幼兒護理、飼養寵物等潮流資訊，內容包羅萬有！主持們親身體驗、示範或測試之外，還會邀請嘉賓帶來相關專業知識。烹飪環節方面，四位手勢了得的廚藝專家黃婉瑩、陳國賓、蕭秀香、黃亞保輪流登場，示範簡單美味的健康美食、家常小菜，替大家解決煮食煩惱。
一班識歎又識蒲的「地膽」主持，各自編排高質的旅遊行程，帶大家遊歷上海、加拿大與荷蘭，留下《到此一遊》的足印！ 陳約臨化身網紅，走遍上海多處打卡熱點，品嚐人氣美食；上海出世的周佩婷接力暢遊故鄉，感受融合舊文化的都市情懷。同是上海，也可以有不一樣的玩法！ 加拿大是港人喜愛的旅居國家之一，陳婉衡兒時曾跟隨家人移居當地，她會分享貼地的遊玩攻略。阮兒在荷蘭出生和長大，這次重遊舊地，又會帶來甚麼食、買、玩情報？
唔同地方都有佢獨特嘅鬼故同鬼怪文化。中世紀以來，歐洲不少古堡、地牢、修道院等等，都曾經係囚禁同殺人嘅殘酷場所，因而傳出鬧鬼同恐怖傳說。嚟到現代，呢啲地方同建築物仍然存在，咁喺入面流傳咗過百年嘅鬼怪同血腥傳說，仲會唔會出現，甚至同而家嘅人互動呢?
繼三輯《香港原味道》走訪本港的農場、果園、食品廠等美味源頭，細味當中的人情世故與飲食智慧後，「原味道」系列由譚玉瑛領軍衝出香港，與拍檔吳幸美、區永權、孔德賢、梁凱晴發掘台灣的在地好味道！ 從台灣特有的養生及豐盛的桌菜文化等，探索美味之源。主持們細意品嚐堅持傳統柴燒的手工醬油、吃中藥長大的珍珠雞、賣相不佳卻醇厚回甘的有機茶等原味道，同時咀嚼每種食材、食品的背後故事。
世界各地人飲食習慣唔同，我地心目中難以入口嘅食材，喺另一啲國家，可能係天國級美食。經過第一輯喺歐洲同摩洛哥嘅挑戰，兩位主持已經初步認知到，美食大國如意大利、西班牙一樣出產唔少意想不到嘅暗黑料理。喺新一輯節目入面，製作組飛到南北美洲。表面上正正常常嘅美國料理，會唔會有新驚喜？聽落去已經有啲耐人尋味嘅墨西哥同秘魯，又會唔會發現一啲Hailey 同Brian 都接受唔到嘅恐怖料理？除咗挑戰大家嘅視覺同感觀，亦都會探討呢啲奇怪美食嘅來源，睇睇究竟乜嘢文化同環境，孕育出呢啲意想不到嘅料理。
