香港匯聚環球美食，特色佳餚、貼地料理受到識飲識食之人的密切關注！黃婉曼、蔡雪瑩、倪嘉雯、黃嘉雯、廖慧儀、伍倩彤等美食主播、主持，緊貼最新飲食情報與優惠，深入了解滋味背後的故事。從不同平台網羅超人氣食店的情報，主持親自出動排隊、試食，帶來真實食評。不設堂食的外賣小店亦深受追捧，有何必吃之選？經營食店難免嘗盡甜酸苦辣，攝製隊追蹤主理人忙碌的一天，從搜購食材、準備材料到開檔做生意，揭開「故事味緣」。
世界各地人飲食習慣唔同，我地心目中難以入口嘅食材，喺另一啲國家，可能係天國級美食。經過第一輯喺歐洲同摩洛哥嘅挑戰，兩位主持已經初步認知到，美食大國如意大利、西班牙一樣出產唔少意想不到嘅暗黑料理。喺新一輯節目入面，製作組飛到南北美洲。表面上正正常常嘅美國料理，會唔會有新驚喜？聽落去已經有啲耐人尋味嘅墨西哥同秘魯，又會唔會發現一啲Hailey 同Brian 都接受唔到嘅恐怖料理？除咗挑戰大家嘅視覺同感觀，亦都會探討呢啲奇怪美食嘅來源，睇睇究竟乜嘢文化同環境，孕育出呢啲意想不到嘅料理。
