有些常識，以為每人都識，但隨時大部份人都唔識！又有些常識，聽落淺到喊，問起卻考起大家？嶄新遊戲節目《咁你都唔識》找來搞鬼毒舌的主持C君，聯同謝嘉怡、黃紫恩、胡敏芝，搜羅抵死貼地生活化但同時古怪刁鑽的問題，考驗自認充滿常識的星級藝員，以及他們自選的圈外人拍檔。問題圍繞香港的文化、職業、口頭禪、地道美食等等，一個集遊戲、資訊、娛樂和本地情懷的節目，睇睇邊個無常識，兼齊齊了解更多最可愛的「香港地」！
巴黎奧運如箭在弦，梁芷珮(Christy)搶先前赴法國巴黎與周邊城市，玩盡奧運場館附近的景點，搜羅「潮什麼」情報。另一主持鄭衍峰亦會運用豐富體育知識，為大家介紹奧運資訊。巴黎奧運主張環保理念，逾九成場館為現有建築變身，單單巴黎鐵塔周邊已有多個比賽場地及資訊館。波爾多、Saint-Etienne將會舉行奧運足球賽事，芷珮參觀兩座球場，順道細味當地葡萄酒，還與老虎、捷豹「瞓一晚」，大人、小朋友都啱玩！
ERROR四子肥仔、阿Dee、193、保錡繼續秉承ERROR「鬥大膽、鬥黐線、鬥搞笑」鬼馬精神，遠赴日本九州、走遍全台灣、深入柬埔寨，玩盡稀奇古怪事。經理人兼人氣監製花姐御駕親征，沿途教仔，火花四濺！
