「視后」蔡思貝以大露背裝索爆出席《2023 TVB年中節目巡禮》，近期她主持旅遊節目《貝遊英倫》收視急升，立即再添食到英國、意大利拍攝節目《貝遊歐洲》，她說：「之前拍2集係特備節目，估唔到反應咁好，啲朋友都話睇得好舒服，今次會繼續用蔡思貝嘅身份同性格，帶大家去遊覽兩國家9個城市。」
主持嶄新攞苦嚟辛，口窒窒膽粗粗，窺探日本極道，跟住「大佬」搞呢搞路；擂台挑機真拳手、深夜追擊暴走族、快閃黑道防彈屋、壘球約戰山口組、扮教父見黑手黨、劊「指」手家法伺候⋯⋯內容踩界，拍之而後快！收視險中求，台前幕後吃盡苦頭；笑聲背後剖開黑道憂慮哀愁，奉勸世人做個好人。節目籌備一年，打造可能係電視史上最「惡」嘅搞笑綜藝節目。
