「阿姐」汪明荃、森美、余德丞帶領娛樂家族強勢回歸，繼續Bili Bala娛樂大家！新一輯節目衝出錄影廠，前往不同場地大玩遊戲，發放笑彈！ 口令遊戲考考急才，邊玩邊熱身。想進入阿姐的魔法世界，嘉賓們要具備邏輯思維，並留意施法細節，方能破解箇中秘密。 傾偈都要動腦筋！圍繞各類主題齊齊「Cheat Chat」，如何為別人設下陷阱之餘又不會跌入圈套？「邊個大阿姐」不單要有膽識，還要反應夠快，才可成為終極贏家！
想做業主又唔知邊度置業好？《我要做業主2》同你介紹各款置業筍盤，一次過解答你所有買樓嘅問題！
飲茶是源自廣州的飲食模式，是粵式飲食文化的一大特色。「飲杯茶食個包」、「一盅兩件」，相信已深入大部份港人的DNA。節目透過不同主題，尋找點心的前世今生，溯源廣式茶樓歷史，主持羅家英、馮盈盈、關楓馨引領觀眾穿梭香港與廣州，走訪舊式及新式茶樓，探訪點心師傅、獲獎大廚、酒樓負責人與掌故專家等，由傳統到新派點心，分享並介紹多款美點的故事和人情味，讓大家進一步了解飲茶文化。
山步行嘅極致，當然係喜瑪拉雅山。登上世界之顛唔係人人可以，但到訪高山之國尼泊爾朝聖，一嚐高山遠征的滋味，卻並非難事。年年旅居尼泊爾起碼幾星期嘅達人吳蚊蚊，帶住「去過半次」尼泊爾嘅舊拍檔岑樂怡，由輕易嘅郊山做熱身開始，熟習環境，向在山野長大的當地人取經，最後用一個5 日4 夜嘅hiking trip，登上海拔4500 米嘅Mardi Himal。吳蚊蚊同尼泊爾嘅緊密關係，當然唔止行山。旅程上，阿妹將會遇上工作艱苦，非常罕見嘅女挑夫、受萬人跪拜嘅活女神、仲有生活奢華嘅尼泊爾王國前貴族；走進蚊蚊嘅朋友家中，學整尼泊爾糕點；仲會親身探訪受到大地震影響嘅地區，為災民盡點心意。
法國的美酒佳餚令人着迷，當地出產的朱古力、波爾多紅酒、魚子醬、生蠔等固然滋味，但於不少人印象中，它們的價格卻絕對不相宜。不過，只要識得揀，其實也可用親民的價錢，買到優質的法國食材。由擅長法國菜的名廚楊尚友(Christian)帶路，走訪多種法蘭西食材的原產地，並教觀眾透過細心留意產品上標籤、了解出產地點等方法，就能以高性價比，入手心儀的食材，助大家打造《親民的品味》！
隨全民抗疫走到禁堂食階段，香港人的「搵食」習慣大幅改變，食外賣已經成為生活日常，但食外賣不等於食得差！由星級廚師Christian率領Kathy同阿神，每集試食四間來自全港各區的人氣「外餸」美食，進行CP值測試！兩位新晉「食家」Kathy同阿神每集都會落區「點餸」，發掘不為人知的美味；Christian更會大顯身手，每集以家常食材，結合大廚食譜，為大家「加餸」
年輕人潮流觸角敏銳，愛好探索新事物、新資訊。踏入科技年代，青少年對新興電子產品、網絡流行媒體尤感興趣，追上時代步伐，已成新世代指標！ 主持陳星妤、陳懿德、王菲開設《周六聊Teen谷》，會用盡所能搜羅世界各地至潮、至新情報，上至世界盛事、醫學百科、文藝與科技；下至日常生活、網絡熱搜，在每個星期六跟觀眾一一分享。論盡天南地北，暢談人氣熱話，「谷友」緊貼節目，便可輕鬆掌握全球脈搏動向。
粵菜文化博大精深，隨着時代變遷，不少傳統手工菜式卻幾近失傳。家學淵源的「鼎爺」李家鼎再三「開爐」，以精湛廚藝，將更多懷舊廣東菜式呈現大家眼前。 廣東菜着重鮮味，鼎爺於新一輯節目聯同食得嘴刁的拍檔譚玉瑛，遊走國內的順德與潮汕，探尋在地的優質新鮮材料、發掘地道美食；又會在香港「行街市」，尋找烹飪靈感。回到「阿爺廚房」，鼎爺精心炮製各式各樣的養生靚湯、佳餚美饌、滋潤甜品，務求讓觀眾「粵食越好味」！
